Tækjapakki Einar Guðnason ÍS

Báturinn Einar Guðnason ÍS, er nýsmíði frá Trefjum sem afhentur var í Desember 2020.

Við sáum um val á tækjum og hönnun tækjauppsetningar, og allan frágang þeirra í samráði við skipstjóra og útgerð.

Báturinn er vel búinn tækjum bæði til siglinga og fiskileitar og er fyrsti báturinn í króka aflamarkskerfinu þar sem sett er upp skjáveggskerfi með sama hætti og tíðkast í stærri skipum flotans.

Með því er hægt að stilla upp myndum frá öllum tækjum brúarinnar á tvo 43 tommu skjái í beinni sjónlínu skipstjórans. Það er hægt að velja hversu stóran hluta skjánna hver mynd tekur og ef eitthvert tæki krefst fullrar athygli skipstjórans er hægt að setja hana í fullri stærð á allar 43 tommurnar. Einn af kostum þessa kerfis er að hægt er að stilla skjábirtu allra skjáanna sem tengdir eru við það samtímis ef notaðir eru samhæfanlegir skjáir.

Skjáirnir sem við notum í kerfið koma allir frá AG Neovo og eru með hert gleri framan á skjáfletinum sem minnkar hættu á að þeir brotni og auðveldar þrif til mikilla muna.

Við hjá Sónar óskum áhöfn og útgerð til hamingju með þennan glæsilega bát og hlökkum til samstarfsins sem er framundan.